हामी सबैकाे संसारन्यूज

असार २, काठमाडौं । जनता समाजवादी पार्टी (जसपा)का अध्यक्ष महन्थ ठाकुरले आफ्ना पक्षका नेताहरु मात्रै राखेर कार्यकारिणी समितिको हेरफेर गरेका छन् । उनले आफुँ पक्षका १६ जना नेताहरु मात्रै कार्यकारिणी समिति गठन गरेका हुन् ।

बताइएअनुसार निर्वाचन आयोगमा उनले आफुँ बहुमतमा रहेका देखाउन केहिलाई हटाएर केहिलाई थपेका छन् । बताइएअनुसार ठाकुरले अध्यक्ष उपेन्द्र यादवसहित महेन्द्र राय यादव, गजादर यादव,रमेश यादव,मृगेन्द्र सिंह यादव,रामनरेश राय यादव र नवलकिशोर यादव लगायतलाई कार्यकारिणी समितिबाट हटाएका छन्।

५१ सदस्यीय कार्यकारिणी समितिका झण्डै दुई तिहाई सदस्य उपेन्द्र पक्षमा देखिएका छन् । कार्यकारिणीमा बहुमत गुमाएका ठाकुरले यादव पक्षलाई कारबाही गर्दै आफुँ पक्षीय नेताहरुलाई थपेर बहुमत पुर्याउन खोजेका हुन् ।

यता यादव पक्षले भने ठाकुरसहित कार्यकारिणी समितिका ४ जनालाई कारबाही गर्दै अद्यावधिकका लागि आयोगमा पठाईसकेको छ । यादव पक्ष बहुमत सदस्यको हस्ताक्षरसहित नै पत्र पठाएको छ ।