Sansar News
३ असार, काठमाडौँ । रियल मड्रिडका कप्तान सर्जियो रामोसले डेढ दशकपछि स्पानिस क्लब छाड्ने भएका छन् । रियलले बुधबार डिफेण्डर रामोसले क्लब छाडेको पुष्टि गरेको छ ।
३५ वर्षीय रामोसले रियलबाट पाँच ला लिगा र चार च्याम्पियन्स लिगको उपाधि जितेका थिए । सन् २००५ मा उनी सेभियाबाट रियलमा आबद्ध भएका थिए । रामोसले रियलका लागि ६७१ खेल खेल्दै १०१ गोल गरेका छन् भने ४० असिस्ट समेत गरेका छन् ।
रियल मड्रिडले २०१६ देखि २०१८ सम्म लगातार तीन पटक च्याम्पियन्स लिग जित्दा रामोसले टिमको कप्तानी गरेका थिए।
वि.सं.२०७८ असार ३ बिहीवार १२:२३ मा प्रकाशित
