हामी सबैकाे संसारन्यूज

३ असार, काठमाडौँ । नेकपा (माओवादी केन्द्र)का नेता तथा संघीय सांसद देवेन्द्र पौडेलले सरकारले ल्याएको बजेट शिक्षकमैत्री नभएको भन्दै रोष व्यक्त गरेका छन् ।

अन्य पेसागत समूहको तुलनामा यो बजेटले शिक्षकलाई निकै अपमानित र उपेक्षा गरेको भन्दै नेता पौडेलले सरकारको ध्यानाकर्षण गराएका छन् ।

शिक्षकलाई न्युनतम १० दिनको पारिश्रमिक बिदासहित १० लाख दुर्घटना बिमाको व्यवस्था गर्नुपर्ने, देशभरीका शिक्षकहरुलाई कोभिड– १९ विरुद्धको खोपको उचित प्रवन्धसहित शैक्षिक/शिक्षक अस्पतालको व्यवस्था गर्नुपर्ने, नीजि शिक्षकहरुको सामाजिक सुरक्षा व्यवस्था गर्नुपर्ने, र उच्चस्तरीय शिक्षक आयोगको प्रतिवेदन कार्यान्वयन गर्दै श्रम ऐन लागू गर्नु पर्नेमा बजेटले कुनै सम्बोधन नगरेको नेता पौडेलले टिप्पणी गरेका छन् ।

त्यस्तै द्धन्द पीडित शिक्षकको उचित प्रवन्ध र विभिन्न आन्दोलनमा सहिद भएका शिक्षक परिवारको उचित सम्मान गर्नुपर्ने लगायतका तमाम विषयहरु छुटेको र उल्लेख नगरिएकोमा सम्पूर्ण शिक्षकहरुले यसको सशक्त बिरोध गर्दै समाजवादउन्मुख शिक्षकमैत्री शिक्षा प्रणाली अपनाउन जोडदार माग गर्नुपर्ने बताएका छन् ।

नेता पौडेललको ध्यानाकर्षणलाई एकीकृत अखिल शिक्षक संगठनका अध्यक्ष शंकर अधिकारी लगायत शिक्षक वर्गले आभार व्यक्त गरेका छन् ।

नेता पौडेलद्वारा जारी ध्यानाकर्षण वक्तव्यमा भनिएको छ :
“कामचलाउ सरकारले कामचलाउ कार्य मात्रै गर्ने वैधानिक व्यवस्था छ । तर यो सरकारले दुईरदुई पटक प्रतिनिधि सभा विघटन गरी अध्यादेशमार्फत् बजेट ल्याएको छ । अन्य पेसागत समुहको तुलनामा यो बजेटले शिक्षकलाई निकै अपमानित गरेको छ । उपेक्षा गरेको छ । न्युनतम १० दिनको पारिश्रमिक बिदासहित १० लाख दुर्घटना बिमाको व्यवस्था गर्नुपर्दथ्यो । देशभरीका शिक्षकहरुलाई कोभिड ( १९ विरुद्धको खोपको उचित प्रवन्धसहित शैक्षिकरशिक्षक अस्पतालको व्यवस्था गर्नुपर्दथ्यो । नीजि शिक्षकहरुको सामाजिक सुरक्षा व्यवस्था गर्नु पर्दथ्यो । उच्चस्तरीय शिक्षक आयोगको प्रतिवेदन कार्यान्वयन गर्दै श्रम ऐन लागु गर्नु पर्दथ्यो । द्धन्द पीडित शिक्षकको उचित प्रवन्ध र विभिन्न आन्दोलनमा सहिद भएका शिक्षक परिवारको उचित सम्मान गर्नुपर्दथ्यो । यस्ता तमाम विषयहरु छुटेकोरउल्लेख नगरिएकाले यो बजेट शिक्षकमैत्री छैन । त्यसैले सम्पूर्ण शिक्षकहरुले यसको सशक्त बिरोध गर्दै समाजवादउन्मुख शिक्षकमैत्री शिक्षा प्रणाली अपनाउन जोडदार माग गरौं ।”