हामी सबैकाे संसारन्यूज

असार ९, काठमाडौं । नेकपा (एमाले)का अध्यक्ष एवं प्रधानमन्त्री केपी शर्मा ओलीले आफुँ निकटका स्थायी कमिटी सदस्यसँग छलफल गरेका छन् ।

सर्वोच्च अदालतको मंगलबारकाे आदेशसँगै अप्ठ्यारोमा देखिएका उनले आगामी रणनीतिबारे आफुँ निकटस्थसँग छलफल गरेका हुन् ।

बालुवाटारमा भईरहेको छलफलमा स्थायी कमिटीका पनि सीमित नेताहरु मात्रै उपस्थित रहेको बताइएको छ ।

सर्वोच्च अदालतले मंगलबार संसद विघटनपछि जेठ २१ र २७ मा ओलीले गरेको मन्त्रिपरिषद विस्तारलाई बदर गरिदिएको थियो । साथै कर्णालीका बारेमा गरिएको भ्याकेट निवेदनमाथि पनि अदालतले अन्तरिम आदेश दिन अस्वीकार गरेको थियो ।

अदालतको आदेशसँगै ओली नेतृत्वको मन्त्रिपरिषद पाँच सदस्यीय मात्रै बन्न पुगेकाे भएको छ ।

राजनीतिक रुपमा संकटमा देखिएका ओली आगामी सम्भावनाबारे मंगलबारदेखि नै निरन्तर छलफलमा छन् । मंगलबार साँझ पनि उनले आफुँ निकटस्थ शीर्ष नेतासँग छलफल गरेका थिए ।