हामी सबैकाे संसारन्यूज

१८ असार, काठमाण्डौ । नेपाल सरकारका वरीष्ठ सहसचिव गणेश पाण्डे सचिवमा बढुवा भएका छन ।

प्रशासनतर्फको सचिवका लागि पाण्डेसँगै मधुसुधन बुर्लाकोटी र कृष्णहरी पुष्करको नाम सिफारिस भएकोमा बरिष्ठताका आधारमा सहसचिव गणेशप्रसाद पाण्डे बढुवा भएका हुन । पाण्डेको नाम यसअघि पनि शिफारिश भैसकेको थियो ।

सरकारी श्रोतका अनुसार बुधबार साँझ प्रधानमन्त्रीको सरकारी निवास बालुवाटारमा बसेको मन्त्रिपरिषद् बैठकले प्रशासनतर्फ २ जना र प्राविधिकतर्फ २ जना गरेर ४ जना सहसचिवलाई सचिवमा बढुवा गर्ने निर्णय गरेको छ ।

पाण्डे बाहेक डा दामोदर रेग्मी, डा कृष्ण प्रसाद आचार्य (बन सेवा) र प्रमिला बज्राचार्य (कृषि सेवा) मा सचिव भएका छन ।