हामी सबैकाे संसारन्यूज

१८ असार, काठमाडौँ । युरोकप २०२० को क्वाटरफाइनल खेलहरु आजदेखि सुरु हुँदैछन् । अन्तिम १६ मा जित निकाल्दैँ बेल्जिमय, चेक रिपब्लीक, डेनमार्क, इंग्ल्यान्ड, इटाली, स्पेन, स्विट्जरल्यान्ड र युक्रेनले अन्तिम आठमा प्रवेश गरेको हुन ।

आजबाट सुरु हुने क्वाटरफाइनलको पहिलो खेलमा स्वीटजरल्यान्डले स्पेनकाे सामना गर्ने छ । विश्वकप जितिसकेको फुटबलको महाशक्ति स्पेन युरोकपको मुख्य दाबेदार हो । स्पेनले अतिरिक्त समयमा क्रोएसियालाई ५-३ ले पराजित गर्दै क्वाटरफाइनलमा प्रवेश गरेको थियो । तर विश्वकप विजेता फ्रान्सलाई पेनाल्टी सुटआउटमा ५-४ ले पराजित गर्दै स्वीटजरल्यान्डले पनि युरोकपमा आफ्नो दाबेदारी प्रस्तुत गरिसकेकाले यो खेल रोमाञ्चक बन्ने अपेक्षा गरिएको छ । स्वीट्जरल्याण्ड स्पेनबीचको खेल नेपाली समय अुनसरा आज राति ९:४५ बजेबाट सुरु हुनेछ ।

आज हुने अर्को खेलमा बेल्जियमले इटलीसँग प्रतिस्पर्धा गर्नेछ । युरो कप २०२० मा यी दुवै टिम अपराजित रहेका छन । युरोकप छनोटमा पनि दुवै टोलीले आफ्ना सबै १० खेल जितेका थिए ।

समूह चरणमा कुनै गोल नखाई ३ खेल जितेको इटलीले अन्तिम १६ मा अष्ट्रियालाई अतिरिक्त समयमा २-१ ले पराजित गरेको थियो । उता फिफा वरियतामा शिर्ष स्थानमा रहेको बेल्जियमले पनि साविक विजेता पोर्चुगललाई १-० ले पराजित गर्दै क्वाटरफाइनलमा स्थान बनाएको हो । यी दुवै टिमले युरोकपमा आफ्नो दाबेदारी प्रस्तुत गरिसकेकाले आज हुने क्वाटरफाइनलको खेल निकै प्रतिष्पर्धात्मक हुने अपेक्षा गरिएको छ । बेल्जियम र इटली बिचको खेल नेपाली समय अनुसार राति १२स्४५ बाट सुरु हुनेछ ।

क्वाटरफाइनलका बाँकी दुई खेल शनिबार हुनेछन । जसमा चेक रिपब्लिकले डेनमार्कको सामना गर्ने छ भने युक्रेनले इंग्ल्याण्डको सामना गर्ने छ ।