असार १८, काठमाडौं । नेकपा (एमाले)को केन्द्रीय कमिटीको आजको बैठक सकिएको छ । बैठक भोली पुनः बस्ने पनि जनाइएको छ ।
बैठकमा पार्टी अध्यक्ष केपी शर्मा ओलीले शनिबार दिउँसो ३ बजे पुनः बस्ने जानकारी गराएका थिए ।
ओलीले शनिबारको बैठकमा सहभागी हुन माधवकुमार नेपाल पक्षलाई पनि आग्रह गरेका छन् ।
आजको बैठकमा ओली र उपाध्यक्ष वामदेव गौतमले सम्बोधन गरेका थिए ।
आजको बैठकले सर्वोच्च अदालतमा कांग्रेस सभापति शेरबहादुर देउवाको पक्षमा बुझाएको हस्ताक्षर फिर्ता लिन पनि एमालेका सांसदहरुलाई निर्देशन गरेको छ । बैठकलाई सम्बोधन गर्दै ओलीले हस्ताक्षर फिर्ता लिन २ दिनको समयसीमा दिने बताएका थिए ।
सम्बन्धित समाचार
एमाले बैठकमा पदाधिकारीका को गए, को गएनन् ? (नामसहित)
बालुवाटारमा एमालेको बैठक सुरु, माधव पक्ष भने भएन सहभागी
एमाले बैठक : सर्वोच्चमा बुझाएको हस्ताक्षर फिर्ता लिन माधव पक्षलाई २ दिनको समय
शनिबारको बैठकमा सहभागी हुन माधव पक्षलाई ओलीको आग्रह
वामदेवले ओलीलाई भने – मुख्य नेतालाई अपमान गरेर एकता हुँदैन !
वि.सं.२०७८ असार १८ शुक्रवार १५:३८ मा प्रकाशित






























