हामी सबैकाे संसारन्यूज

१
समाज हाम्रो ढाडस दिनुस् समात्न कलम,
कुरिती सबै निर्मूल भइ लाग्नेछ मलम ।
२
पढ्न पाए अगाडि बढी पुग्नु छ टाकुरा,
प्रयास गरौं छोरीको हुन्छ सबल पाखुरा ।
३
निमोठ्नु हुन्न भावना उन्को बालिका कलिलो,
उन्मुक्त सोच राखेर सधैँ बनाऊ मलिलो ।
४
प्रत्येक घर सन्ततीलाई दिनुहोस् संस्कार,
घटना आफै बिस्तारै घटी हट्छ अत्याचार ।
५
कलिलो नानी लुटिए पछि बराबर् आहत,
घरको साँढे बाँधेर अब दिनुहोस् राहत ।
६
आगामी दिन नपरोस् सुन्न खबर दैनिक,
खटिन्छन् जतै बलात्कारीको खोजमा शैनिक ।
७
न्यायका मूर्ति बनाऔँ कडा कानुन विधान,
घटनाक्रम अतिनै बढ्यो हुनु छ निदान ।
८
बालिका कतै स्वतन्त्र छैनन् मच्चेको उदण्ड,
त्यो सेखी झार्दै तोडिनु पर्छ पुरुष घमण्ड ।
९
समान हक छोरी को दिनुस् फेरियो समय,
अनुभूत् गरौँ समानताको हुनेछ उदय ।
१०
नसकोस् राख्न नजर गिद्दे गाडेर तुनामा,
अपराधीको कठालो तानी राखियोस् थुनामा ।

छोरी बचाउँ आग्रहमा लोक लय झ्याउरे छन्दका १० टुक्काहरु