Sansar News
२२ असार, मनाङ । गण्डकी प्रदेश, मनाङ् जिल्ला अन्तर्गत नासोँ गाउँपालिका वडा नं ५, थोंचेका वडाअध्यक्ष छिरिङ ग्याल्पो पुनेलको निधन भएको छ । ५० वर्षीय वडाअध्यक्ष पुनेलको सोमबार हृदयघातका कारण निधन भएको हो ।
बेंसीसहरमा रहेको गाउँपालिकाको आपत्कालीन कार्यालय नजिक रहेको एक होटलमा हृदयघात भएपछि उपचारको लागि जिल्ला अस्पताल लमजुङ लगिएकोमा अस्पतालले उनलाई मृत घोषणा गरेको हो । वडाध्यक्ष पुनेलका आमा, श्रीमती र पाँच छोरा छन् ।
उनी नेपाली काँग्रेसको तर्फबाट स्थानीय तहको निर्वाचनमा वडाध्यक्षमा निर्वाचित भएका थिए ।
वि.सं.२०७८ असार २२ मंगलवार ०८:४६ मा प्रकाशित
