हामी सबैकाे संसारन्यूज

२४ असार, काठमाडौं । बागमती प्रदेशमा थप ९ कोरोना संक्रमितको मृत्यु भएको छ । प्रदेशको सामाजिक विकास मन्त्रालयका अनुसार प्रदेशमा बुधवार नौ जना कोरोना संक्रमितको मृत्यु भएको छ । जसमा काठमाडौंका ७६ र ५९ वर्षीया २ महिला, ललितपुरका ५६ वर्षीय, धादिङका ७० वर्षीय र मकवानपुरका ५१ वर्षीय, नुवाकोटका ८६ र ६२ वर्षीय तथा सिन्धुपाल्चोकको १४ र ७२ वर्षीय २ पुरुष गरी ९ जनाको निधन भएको हो ।

बुधवार थपिएका ९ जनासँगै प्रदेशमा हालसम्म ३८९४ जनाको मृत्यु भएको छ ।

त्यसैगरी प्रदेशमा बुधवार गरिएको पिसीआर र ऐन्टिजेन गरी ५४०६ नमुना परीक्षणमा १२१७ जनामा संक्रमण पुष्टि भएको छ । जसमा काठमाडौं, ललितपुर र चितवनमा सबैभन्दा बढी संक्रमित भेटिएका छन् । बिहीवार थपिएका १२१७ जनासँगै प्रदेशमा हालसम्म ३ लाख ४८ हजार ६९४ पुगेको छ । ती मध्ये ३ लाख ३६ हजार ५४८ जना निको भएका छन् । प्रदेशमा हाल २१९ जना आइसीयु र ७५ जना भेन्टिलेटरमा उपचाररत छन् ।