Sansar News
२४ असार, काठमाडौँ । नेकपा (एमाले)का नेता हस्त शाहीले एकताको नाममा दुई अध्यक्ष पदमा सहमति नखोज्न पार्टीका शिर्षस्थ नेताहरुलाई आग्रह गरेका छन् ।
पार्टी एकताको नाममा दुईवटा अध्यक्ष सिर्जना गर्ने कुरा उठिरहेको सन्दर्भमा आफ्नो धारणा राख्दै उनले नवौ राष्ट्रिय महाधिवेशनबाट पारित विधानमा नभएको व्यवस्थामा छलफल गरेर पावरसेरिङ्ग प्रस्तावमा दुई अध्यक्षमा सिर्जना गर्ने कुरामा सहमति नखोज्न आग्रह गरेका हुन् ।
सामाजिक सञ्जाल फेसबुकमा लेखेका छन् ‘एकताको नाममा नवौ राष्ट्रिय महाधिवेशन बाट पारित विधानमा नभएको व्यवस्थामा छलफल गरेर पावरसेरिङ्ग प्रस्तावमा दुईवटा अध्यक्ष सिर्जना गर्ने कुरा हामीले नेकपामा अभ्यास गरेर असफल भैसकेको छौ ।’
उनले एक व्यक्ति, एक कार्यकारी जिम्मेवारीको नीति स्थापित गर्ने गरि एकताको सहमति खोज्नु पर्नेमा जोड दिएका छन् ।
साथै उनले एकताको सहमति खोजिरहँदा कम्युनिस्ट आन्दोलन, सार्वभौम संसद, लोकतन्त्र, संविधान माथि उत्पन्न मामिलाको कार्वाही सहित सिर्जित समस्यालाई केलाएर भोली अरुले नदोहोर्याउने गरि समाधान खोजीनु पर्ने बताएका छन् ।
सञ्जालमा उनले लेखेका छन् :
‘पार्टी एकता हुनुपर्छ र गरिनुपर्छ तर एकताकाे सहमति खाेजीरहँदा कम्युनिस्ट आन्दोलन, सार्वभौम संसद, लाेकतन्त्र, संविधान माथि उत्पन्न मामिलाकाे कार्वाही सहित सिर्जित समस्यालाई केलाएर भाेली अरुले नदाेहाेर्याउने गरि समाधान खाेजीनु पर्छ । एकताको नामामा नवौ राष्ट्रिय महाधिवेशन बाट पारित विधानमा नभएकाे व्यवस्थामा छलफल गरेर पावरसेरिङ्ग प्रस्तावमा दुईवटा अध्यक्ष सिर्जना गर्ने कुरा हामीले नेकपामा अभ्यास गरेर असफल भैसकेको छौ । त्यसाे भएको हुनाले कम्युनिस्ट पार्टीमा एक व्यक्ति, एक कार्यकारी जिम्मेवारीकाे नीति स्थापित गर्ने गरि एकताको सहमति खाेजौ । लाल सलाम
सुभ प्रभात’
वि.सं.२०७८ असार २४ बिहीवार १०:१५ मा प्रकाशित
