Sansar News
२५ असार, काठमाडौं । बागमती प्रदेशमा थप ४ कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार विहिबार प्रदेशमा काठमाडौंका २७ वर्षीय पुरुष र ७८ वर्षीया महिला गरी २ जना, ललितपुरकी ७० वर्षीया महिला र चितवनका ९८ वर्षीय पुरुष गरी ४ जनाको मृत्यु भएको हो ।
बिहीवार थपिएका ४ जनासँगै प्रदेशमा कोरोना संक्रमणबाट ज्यान गुमाउनेको संख्या ३,९९८ पुगेको छ ।
त्यसैगरी प्रदेशमा बिहीवार पिसीआर र ऐन्टिजेन गरी दुवै प्रविधिबाट गरिएको ३८८७ नमुना परीक्षणमा ८७९ जना संक्रमित थपिएका छन् । ती मध्ये सबैभन्दा बढी संक्रमित काठमाडौं, ललितपुर र चितवनमा थपिएका छन् । प्रदेशमा हाल २४५ जना आइसीयु र ८८ जना भेन्टिलेटरमा उपचाररत छन् ।
विहीबार थपिएका ८७९ जनासँगै प्रदेशमा हालसम्म संक्रमित हुनेको संख्या ३ लाख ४९ हजार ५६५ पुगेको छ भने कूल् संक्रमित मध्ये ३ लाख ३७ हजार ३३४ जना संक्रमणबाट मुक्त भएका छन् ।
वि.सं.२०७८ असार २५ शुक्रवार ०९:३१ मा प्रकाशित
