हामी सबैकाे संसारन्यूज

२७ असार, काठमाडौं । पछिल्लो २४ घण्टामा १८३१ जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५,५३५ पिसीआर र ३,६८३ ऐन्टिजेन गरी ९,२१८ वटा नमुना परीक्षणमा १८३१ जना संक्रमित थपिएका हुन् । शनिबारको तुलनामा संक्रमित हुनेको यो संख्या केही कमी हो ।

त्यस्तै पछिल्लो २४ घण्टामा भक्तपुरमा ३१, ललितपुरमा ९७ जना र काठमाडौंमा २६१ जना गरी उपत्यकामा आज ३९१ जना संक्रमित थपिएका छन् ।

नेपालमा हालसम्म ३४ लाख १५ हजार ४७५ पिसीआर र २ लाख ३४ हजार ७७७ ऐन्टिजेन विधि गरी जम्मा ३७ लाख ५० हजार २५२ वटा नमुना परीक्षणमा पिसीआर विधिबाट ६ लाख ५५ हजार ४४९ र ऐन्टिजेन बिधिबाट ४३ हजार ६३९ गरी जम्मा ६ लाख ९९ हजार ८८ जना संक्रमित भएका छन् ।

त्यसैगरी पछिल्लो २४ घण्टामा देशैभरी १४३२ जना कोरोना संक्रमणबाट मुक्त भएका छन् ।

आज निको भएका १५३३ जनासँगैै नेपालमा कोरोना संक्रमणबाट मुक्त हुनेको संख्या ६ लाख १९ हजार ८९४ जना निको भइसकेका छन् ।

त्यस्तै पछिल्लो २४ घण्टामा २० जना कोरोना संक्रमितको मृत्यु भएको छ । आज थपिएका २० जनासँगै नेपालमा हालसम्म ज्यान गुमाउनेको संख्या ९,३८२ पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार नेपालमा हाल २६ हजार १७३ जना संक्रिय संक्रमित रहेका छन् । तीमध्ये होम आइसोलेशनमा २३ हजार ४७१ र संस्थागत आइसोलेशनमा २,७०२ जना रहेका छन् ।

त्यस्तै देशैभरीका विभिन्न अस्पतालका आइसीयुमा ५५३ र भेन्टिलेटरमा १५५ जनाको उपचार भइरहेको छ ।

यी जिल्लामा संक्रमण बढ्दो

मन्त्रालयका अनुसार असार २७ सम्मको तथ्यांकलाई हेर्दा पछिल्लो अवस्थामा पूर्वका झापा, मोरङ, सुनसरी, बागमती प्रदेशका काठमाडौं उपत्यका तीनवटै जिल्ला र मकवानपुर तथा चितवन जिल्लामा सक्रिय संक्रमितहरुको संख्या ५०० भन्दा बढी रहेका छन् ।

त्यस्तै गण्डकी प्रदेशको कास्कीमा पनि ५०० भन्दा बढी सक्रिय संक्रमित रहेका छन् । मन्त्रालयका अनुसार गत १४ दिनको तथ्यांक हेर्दा प्रदेश नं १ को धरान, खोटाङ, झापा र धनकुटामा सक्रिय संक्रमितको संख्यामा केही वृद्दि हुँदै गएको छ ।

त्यस्तै वागमती प्रदेशको काठमाडौं र चितवनमा पनि संक्रमितहरुको संख्या बढ्दो क्रममा रहेको छ । साथै गण्डकी प्रदेशको कास्की र स्याङजा, लुम्बिनी प्रदेशको प्युठान, कर्णालीको डोल्पा र मुगु तथा सूदूरपश्चिम प्रदेशको कन्चनपुर, बझाङ र बाजुरामा पनि १४ दिनयता सक्रिय संक्रमितको संख्या बढ्दै गएको पनि मन्त्रालयले जानकारी दिएको छ ।

आज देशैभरी कोरोनाबाट २१६९ संक्रमित, २२ जनाको मृत्यु