हामी सबैकाे संसारन्यूज

असार २९, काठमाडौं । निवर्तमान प्रधानमन्त्री एवं नेकपा (एमाले) का अध्यक्ष केपी शर्मा ओलीले एमालेको माधवकुमार नेपाल नेतृत्वको समूहप्रति तिव्र आक्रोश व्यक्त गरेका छन् । मंगलबार प्रधानमन्त्रीबाट विदाई हुनुअघि देशबासीका नाममा सम्बोधन गर्दै उनले माधव समूहले निकै अनुशासनहीन काम गरेको बताए ।

माधव समूह विद्रोही नभएको उनको भनाई छ । उनले भने, ‘अहिले सर्वोच्चबाट जुन फैसला भयो त्यो फैसलाका पछाडि जम्माजम्मी नेकपा एमालेका २६ जनाले राष्ट्रपतिकहाँ विद्रोही भन्दै, के को विद्रोही हुन्छ ? अनुशासनहीन र अराजक ढंगले राष्ट्रपतिकहाँ गए ।’

उनले माधव समूहका २६ जनाले आफ्नै पक्षमा गोल हानेर अपराध गरेको बताए ।

‘अदालतमा हस्ताक्षर गरेर जाने काम भयो। विपक्षीसँग मिल्ने र भित्रभित्रै अन्तरघात र साँठगाठँ गर्ने ? आफ्नो खुट्टामा पास दिनुपर्ने खेलाडीले विरोधीका खुट्टामा पास दिन्छ,’ उनले भने, ‘आफू गोलरक्षक हुनुपर्ने ठाउँमा पोस्ट खाली गरिदिन्छ। पोस्टमा कोही बसे लखेट्न खोज्छ। यो खालको स्थिति हामीले देख्यौं।’

ओलीले पार्टी विभाजन र सरकार ढलाउन बाह्य शक्तिकेन्द्र समेत सक्रिय रहेको बताए ।

सम्बन्धित समाचार

अदालतमाथि खनिए ओली, संविधानको गलत व्याख्या गरेको आरोप

अदालतको फैसला बिडम्बनापूर्णं भन्दै ओलीले भने – जनादेश त मेरो पक्षमा थियो तर, परमादेश भएन!