हामी सबैकाे संसारन्यूज

२९ असार, काठमाडौं । पछिल्लो २४ घण्टामा २३९८ जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७,०५८ पिसीआर र ३,९५४ ऐन्टिजेन गरी ११,०१२ वटा नमुना परीक्षणमा २३९८ जना संक्रमित थपिएका हुन् ।

त्यस्तै पछिल्लो २४ घण्टामा भक्तपुरमा ८०, ललितपुरमा ९७ जना र काठमाडौंमा ४१० जना गरी उपत्यकामा आज ५८७ जना संक्रमित थपिएका छन् । सोमबारको तुलनामा उपत्यकामा आज पनि संक्रमितको संख्यामा वृद्दि भएको छ ।

नेपालमा हालसम्म ३४ लाख ३० हजार २२२ पिसीआर र २ लाख ४२ हजार ६२६ विधिबाट गरीएको नमुना परीक्षणमा ७ लाख ३ हजार ८५६ जना संक्रमित भएका छन् ।

त्यसैगरी पछिल्लो २४ घण्टामा देशैभरी २०७८ जना कोरोना संक्रमणबाट मुक्त भएका छन् । आज निको भएका २०७८ जनासँगैै नेपालमा कोरोना संक्रमणबाट मुक्त हुनेको संख्या ६ लाख २३ हजार १०५ जना निको भइसकेका छन् ।

त्यस्तै पछिल्लो २४ घण्टामा १२ जना कोरोना संक्रमितको मृत्यु भएको छ । आज थपिएका १२ जनासँगै नेपालमा हालसम्म ज्यान गुमाउनेको संख्या ९,४१२ पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार नेपालमा हाल २६ हजार २६१ जना संक्रिय संक्रमित रहेका छन् । तीमध्ये होम आइसोलेशनमा २३ हजार ५४९ र संस्थागत आइसोलेशनमा २,७२२ जना रहेका छन् । सोमबारको तुलनामा मंगलबार होम आइसोलेशन र संस्थागत आइसोलेशनमा रहनेको संख्यामा कमी आएको छ ।

त्यस्तै देशैभरीका विभिन्न अस्पतालका आइसीयुमा ५८६ र भेन्टिलेटरमा १८२ जनाको उपचार भइरहेको छ । सोमबारको तुलनामा मंगलबार भेन्टिलेटरमा उपचार गराउनेको संख्यामा पनि वृद्दि भएको छ ।

आज देशैभरी २३७० जनामा कोरोना संक्रमण, १८ जनाको मृत्यु