Sansar News
३० असार, काठमाडौं । गैरआवासीय नेपाली संघ राष्ट्रिय समन्वय परिषद् (एनआरएनए) स्वीट्जरल्याण्डको अध्यक्षमा शुभ एल्मर लामा निर्विरोध निर्वाचित भएकी छन् ।
जुलाई ९ मा सम्पन्न परिषद्को सातौ महाधिबेशनबाट २०२१–०२३ का लागि लामा निर्विरोध चयन भएकी हुन् । अध्यक्ष पदका लागि मनोनयन दर्ताको अन्तिम समयसम्म पनि शुभ एल्मर लामाको मात्रै उम्मेदवारी परेपछि लामा अध्यक्षमा निर्विरोध चयन भएकी हुन् ।
त्यस्तै संघको आइसीसी सदस्यमा पनि सीमा गौतम निर्विरोध निर्वाचित भएकी छन् भने उपाध्यक्षमा प्रमोद कुमार भट्ट र शुक्र श्रेष्ठ, महासचिवमा कुल (कृष्ण) प्रसाद शिवाकोटी, सचिवमा जीवन भट्टराई, कोषाध्यक्षमा राकेश चन्द्र प्रजापति, महिला संयोजकमा चम्पा ज्ञवाली रुकस्टुल, युवा संयोजकमा विनु सुनार र प्रवक्तामा यम काउचा मगर पनि निर्विरोध भएका हुन् ।
वि.सं.२०७८ असार ३० बुधवार १३:०४ मा प्रकाशित
