हामी सबैकाे संसारन्यूज

साउन १, काठमाडौं । नेकपा (एमाले)को स्थायी समिति बैठक सकिएको छ । वरिष्ठ नेता माधवकुमार नेपाल पक्षको सहभागीता बिनै तुलसीलाल प्रतिष्ठान, च्यासलमा बसेको बैठक केहि महत्वपूर्णं निर्णय गर्दै सकिएको हो ।

एमालेका प्रवक्ता प्रदिप ज्ञवालीका अनुसार बैठकले अदालतको फैसलालाई मान्दै जनतामाझ जाने निर्णय गरेको छ । त्यस्तै बैठकले पार्टी विवाद समाधान गर्न गठित कार्यदललाई भंग गर्ने निर्णय पनि गरेको छ । उनका अनुसार बैठकले १० बुँदे प्रस्तावलाई ग्रहण गर्दै सिर्जनशील रुपमा कार्यान्वयन गर्ने पनि निर्णय भएको छ ।

बैठकले ओली नेतृत्वको सरकारले निकै ऐतिहासिक काम गरेको भन्दै पार्टी अध्यक्ष केपी शर्मा ओलीलाई बधाई दिएको ज्ञवालीले जनाए । यस्तै बैठकले गठबन्धन सरकारलाई अलोकतान्त्रिक प्रक्रियाबाट निर्माण भएको ठहर गर्दै विश्वासको मत नदिने निर्णय गरेको छ ।

यस्ता छन् मुख्य निर्णयहरु

१. अदालतको फैसलालाई स्वीकार गर्दै जनतामाझ जाने ।

२. कार्यदलको १० बुँदे प्रस्तावलाई ग्रहण गर्दै सिर्जनशील रुपमा कार्यान्वयन गर्ने । कार्यदल भंग गर्ने ।

३. सरकारले गरेको ऐतिहासिक कामका लागि पार्टी अध्यक्ष तथा निवर्तमान प्रधानमन्त्री केपी शर्मा ओलीलाई धन्यवाद दिने ।

४. गठबन्धनको सरकारलाई विश्वासको मत नदिने ।

सम्बन्धित समाचारहरू

बैठक स्थलबाट बाहिरियो माधव पक्ष, भीम रावल भन्छन् – ओलीजीबाट प्रस्ताव ठाडै अस्वीकार भयो