Sansar News
३ साउन, काठमाडौं । गण्डकी प्रदेशमा आज थप ५ जना कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयका अनुसार प्रदेशमा आइतबार नवलपरासीपूर्वका २ जना र गोर्खा, तनहुँ तथा कास्कीका १÷१ जना गरी पाँचजनाको मृत्यु भएको हो ।
आइतवार थपिएका ५ जनासँगै प्रदेशमा हालसम्म मृत्यु हुनेको संख्या १०२५ पुगेको छ ।
त्यस्तै प्रदेशमा आज मनाङमा १, म्याग्दीमा १३, पर्वतमा १९, गोरखामा ३०, लमजुङमा ३, तनहुँमा १५, कास्कीमा १६२, वाग्लुङमा २५, स्याङजामा ५३ र नवलपरासीपूर्वमा १७ जना गरी ३३८ जना नयाँ संक्रमित थपिएका छन् । ती मध्ये १७७ जना महिला र १६१ जना पुरुष रहेका छन् । आज प्रदेशमा ३६६ जना निको भएका छन् ।
आइतवार थपिएका ३३८ जनासँगै प्रदेशमा हालसम्म ६१ हजार ५०६ जनामा कोरोना संक्रमण पुष्टि भएको छ भने ती मध्ये ५७ हजार ७३० जना निको भइसकेका छन् ।
प्रदेशमा हाल २७५१ सक्रिय संक्रमित रहेका छन् । ती मध्ये होम आइसोलेशनमा २६१५ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको निर्देशनालयद्धारा जारी विवरणमा उल्लेख छ ।
वि.सं.२०७८ साउन ३ आइतवार १७:२६ मा प्रकाशित
