Sansar News
साउन ४, काठमाडौं । प्रधानमन्त्री शेरबहादुर देउवालाई विश्वासको मत दिने २२ सांसदहरुलाई नेकपा (एमाले)ले २४ घण्टे स्पष्टीकरण सोध्ने भएको छ । सोमबार बसेको एमाले केन्द्रीय कमिटी बैठकले स्पष्टीकरण सोध्ने निर्णय गरेको हो ।
पार्टी अनुशासन, कम्युनिष्ट आन्दोलनको आर्दशको दृष्टिले अनुशासनहीन काम भएकाले स्पष्टीकरण सोध्ने निर्णय भएको पार्टी प्रवक्ता प्रदीप ज्ञवालीले जानकारी दिए ।
देउवालाई माधवकुमार नेपालसहित उनी पक्षीय १३ सांसद र पार्टी अध्यक्ष केपी शर्मा ओली पक्षमा देखिएका ९ सांसद गरि २२ सांसदले विश्वासको मत दिएका थिए ।
एमाले प्रवक्ता ज्ञवालीका अनुसार बैठकले कार्यदलले दिएको १० बुँदे प्रस्तावलाई अनुमोदन गर्ने पनि निर्णय गरेको छ । कार्यदलको प्रस्ताव, एमाले स्थायी समिति बैठकको निर्णयअनुसार आजको बैठक दशौं बैठक भएको उनले बताए ।
तर, दशौं बैठक भनिएपनि आजको बैठकमा माधवकुमार नेपाल पक्ष भने सहभागी छैन् । माधव पक्षले बैठकलाई एकतर्फी बैठक भएको संज्ञा दिएको छ ।
सम्बन्धित समाचार
वि.सं.२०७८ साउन ४ सोमवार १४:०५ मा प्रकाशित
