Sansar News
४ साउन, काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले प्रतिपक्षको भूमिका निभाउदा आवस्यक परे सशक्त प्रतिवादमा उत्रन निर्देशन दिएका छन् ।
संसद पुर्नस्थापनापछि सोमबार बसेको केन्द्रीय कमिटीको बैठकको उद्घाटन गर्दै अध्यक्ष ओलीले बैठकमा सहभागीहरुलाई सम्बोधन गर्दै प्रतिपक्षको भूमिकामा आवस्यक परे जुझारु ढंगले शसक्त प्रतिवादमा उत्रन निर्देशन समेत दिएका छन् ।
अध्यक्ष ओलीले माधव पक्षका १३ र आफ्ना पक्षका ९ सहित २२ सांसदले फ्लोर क्रस गर्दै आइतवार प्रधानमन्त्री शेरबहादुर देउवालाई विश्वासको मत दिएपछि आजको बैठकमा उनीहरुलाई २४ घण्टे स्पष्टीकरण दिन माग समेत गरेका छन् ।
अध्यक्ष ओलीले आक्रोशित हुँदै नेकपा माओवादी केन्द्र अपराध कर्मबाट आएको पार्टी रहेको आरोप लगाउँदै माओवादी अहिले सिथिल रहेको बताए । ‘माओवादी सिथिल छ । नत्र उ अपराध कर्मबाट आएको पार्टी हो । ’
त्यस्तै ओलीले कांग्रेसलाई पनि आफै आक्रमण गर्ने र आफै मुद्दा हाल्ने पार्टी भएको आरोप समेत लगाएका छन् ।
एमाले बैठक : देउवालाई मत दिने सांसदलाई २४ घण्टे स्पष्टीकरण सोध्ने निर्णय
वि.सं.२०७८ साउन ४ सोमवार १४:५८ मा प्रकाशित
