हामी सबैकाे संसारन्यूज

६ साउन, काठमाडौँ । सन्राइज बैंकले कार्डलेस भुक्तानी सेवाको ल्याएको छ । हालसम्म ग्राहकहरुले आफ्नो डेबिट कार्डको प्रयोग गरी एटीएम मेसिन (ATM Machine) बाट रकम झिक्दै आएकोमा अब सन्राइज बैंकको कार्डलेस भुक्तानी प्रयोग गरी कार्डको प्रयोग बिना नै एटीएमबाट रकम झिक्न सक्नेछन् ।

यस सेवा अन्र्तगत ग्राहकहरुले मोबाइल बैंकिङ्ग प्रयोग गरी कार्डलेस विदड्रल अप्सन (Cardless Withdrawal Option) मा गई आफूले भुक्तानी गर्न चाहेको रकम हाली सब्मित (submit)  गर्नुपर्नेछ । त्यसपछि ग्राहकको सम्बन्धित मोबाइल नम्बरमा ओटीपी कोड एसएमएस (OTP code SMS) मार्फत आउनेछ । बैंकको एटीएममा गई कार्डलेस विदड्र अप्सन (Cardless Withdrawal option) मा रोजी एसएमएस (SMS) मा आएको ओटीपी कोड (OTP code) को प्रयोग गरी सजिलै कार्ड बिना नै रकम झिक्न सकिने छ ।

सन्राइज बैंकले यस अघि पनि मिस्ड कलबाट बत्तिको बिल भुक्तानी, मोबाइल बिल भुक्तानी जस्ता सजिला र आधुनिक सेवाहरु प्रदान गर्दै आएको छ । यो सुविधा ग्राहकहरुले बैंकको देशभरी रहेका सबै एटीएममार्फत लिन सकिने बैंकले जनाएको छ ।