Sansar News
११ साउन, काठमाडौँ । विवेकशील साझा पार्टीका संयोजक रविन्द्र मिश्रको प्रस्तावप्रति पार्टीका अर्का संयोजक मिलन पाण्डेले असन्तुष्टि जनाएका छन् ।
संघीयता खारेजी र धर्मनिरपेक्षताबारे जनमत संग्रहको प्रस्तावलाई बहसका लागि भन्दै ‘मार्ग परिवर्तनः विचारभन्दा माथि देश’ नामक दस्तावेज बाहिर ल्याएका मिश्रको प्रस्तावप्रति संयोजक पाण्डेले असन्तुष्टि जनाएका हुन् ।
पाण्डेले विवेकशिल साझा घोषणापत्र, प्रस्तावित विधान अनुसार विवेकशील साझा पार्टी सामाजिक न्याय, समावेशीता र गणतन्त्रको जगमा बनिरहेको प्रोग्रेसिभ पार्टी भएको उल्लेख गर्दै सामाजिक सञ्जाल ट्वीटरमार्फत असन्तुष्टि सार्वजनिक गरेका हुन् ।
विगतमा भएका आन्दोलनका उपलब्धिहरूको रक्षा गर्ने र संविधानको पूर्णतः पालना गर्ने प्रतिबद्धतामा पार्टी दृढ रहेको स्पष्ट पार्दै उनले मिश्रको प्रस्तावलाई नितान्त व्यक्तिगत भएको र पार्टीसँग कुनै सम्बन्ध नभएको स्पष्ट पारेका छन् ।
संयोजक रविन्द्र मिश्रले दस्तावेजमा स्थानीय निकायलाई पुनर्संरचना र सुद्धढ गर्दै संघीयता खारेजी गर्नुपर्ने र धर्मनिरपेक्षतामाथि जनमत संग्रह गर्नुपर्ने प्रस्ताव गरेका छन् । दस्तावेजमा संघीयताले भ्रष्टाचार बढाउने र आर्थिक भारको स्रोत बढाउने कुरा उनले गरेका छन् ।
रविन्द्र मिश्रकाे नयाँ प्रस्ताव : संघीयता खारेजी, धर्मनिरपेक्षताबारे जनमत संग्रह ! (दस्तावेजसहित)
वि.सं.२०७८ साउन ११ सोमवार २०:३० मा प्रकाशित
