हामी सबैकाे संसारन्यूज

साउन १८, काठमाडौं । नेकपा (एमाले)को माधवकुमार नेपाल पक्ष आन्तरिक छलफलमा जुटेको छ । एमाले एकतामा फर्किने कि गठबन्धन सरकारमा सहभागि हुने भन्ने विषयमा दोधारमा देखिएको माधव पक्ष निर्णय लिन छलफलमा जुटेको हो ।

बुद्धनगरस्थित क्वालिटी ब्याङ्क्वेटमा अहिले माधव पक्षका नेताहरु छलफलमा छन् । एमालेले पार्टी एकताबारे निर्णय लिन बैठक बोलाए पछि उनीहरु छलफलमा जुटेका हुन् ।

माधव पक्षभित्र एउटा खेमा सरकारमा सहभागि हुनुपर्ने लाईनमा छ भने अर्को पक्ष पार्टी एकतामा जोड दिनुपर्ने लाईनमा छ । तत्कालिन समय प्रधानमन्त्री शेरबहादुर देउवालाई विश्वासको मत दिने विषयमा पनि माधव पक्ष बाँडिएको थियो । माधव पक्षमा देखिएका आधाजसो सांसद संसद बैठकलाई बहिस्कार गरेका थिए ।

तर, पार्टी अध्यक्ष केपी शर्मा ओली पक्षमै देखिएका केहि सांसद भने विद्रोह गरि देउवालाई मत दिएका थिए । अहिले उनीहरुसहितको समूह भने सरकारमा जानुपर्ने अडान छ । पूर्ववत समूह बाँडिएपछि नेता माधव नेपाल अन्यौंलमा छन् ।