Sansar News
साउन १८, कामठाडौं । लुम्बिनी प्रदेशका मुख्यमन्त्री शंकर पोखरेल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’माथि खनिएका छन् । उनले प्रचण्डकै कारण देश संकटमा परेको पनि आरोप लगाए ।
सोमबार बुटवलमा ‘जिउँदा जीवराज’ नामक वृत्तचित्रको सार्वजनिक कार्यक्रमलाई सम्बोधन गर्दै उनले प्रचण्डकै कारण कम्युनिष्ट आन्दोलन धराशाही भएको र देश नै संकटमा फसेको बताए । उनले प्रचण्डबीनाको वामपन्थी एकता गर्नुपर्ने पनि बताए ।
तत्कालिन नेकपा प्रचण्डकै कारण विभाजित भएको बताउँदै उनले एमालेलाई पनि विभाजित बनाउन प्रचण्डले खेलिरहेको बताए ।
प्रचण्डको अवसरवाद, अस्थिरता र महत्वाकांक्षाले नै नेकपा विभाजन भयो र एमालेभित्रको अन्तरविरोधमा खेलेर एमाले फुटाउने काममा पनि प्रचण्ड लाग्नुभएको छ,’ उनले भने, ‘उहाँकै कारण देश संकटमा फस्दैछ, यसको विकल्प खोज्नुपर्छ ।’
वि.सं.२०७८ साउन १८ सोमवार १६:१३ मा प्रकाशित
