हामी सबैकाे संसारन्यूज

१८ साउन, कास्की । राम्रो काममा लगाईदिन्छु भन्दै महिलाहरुलाई ललाई फकाई प्रलोभनमा पारी पैसाको मोलमोलाई समेत गरी यौनकार्यमा लगाउने दुई जना पक्राउ परेका छन् ।

मानव बेचबिखन तथा ओसारपसारमा संलग्न रहेको आरोपमा पोखरा महानगरपालिका–१२ अमरसिंह चोकस्थित एसके खाजाघरका २ जना संचालकलाई प्रहरीले पक्राउ गरेको हो ।

पक्राउ पर्नेहरुमा पोखरा महानगरपालिका–१० घर भई सोही महानगरपालिका–१२ अमरसिंहचोक बस्ने ५३ वर्षीया सोनाम गुरुङ र सोही महानगरपालिका–२७ रिठ्ठेपानी घर भएका ३२ वर्षीय रोशन गुरुङ रहेका छन् ।

उनीहरुलाई जिल्ला प्रहरी कार्यालय कास्की र वडा प्रहरी कार्यालय रामबजारबाट खटिएको प्रहरीले पक्राउ गरेको हो । साथै उक्त खाजाघरबाट पीडित महिलाहरुलाई मनोपरामर्श गरी प्रहरीले आफन्तको जिम्मा लगाएको छ ।

उनीहरु माथी मानव वेचबिखन तथा ओसारपसार सम्बन्धी कसूरमा जिल्ला अदालत कास्कीबाट ७ दिन म्याद थप गरी आवश्यक अनुसन्धान भइरहेको जिल्ला प्रहरी कार्यालय कास्कीले जनाएको छ ।