Sansar News
१९ साउन, काठमाडौँ । तेह्रथुम पावर कम्पनीले आयोजना प्रभावित स्थानीयलाई निष्काशन गरेको आईपिओमा आवेदन दिने आज (साउन १९) गते अन्तिम दिन रहेको छ ।
कम्पनीले आयोजना प्रभावित क्षेत्रका बासिन्दाहरुका लागि साउन ५ गते देखि प्रतिकित्ता १०० अंकित मूल्यको ४ लाख कित्ता आईपीओ निष्काशन तथा बिक्री खुला गरेको थियो ।
कम्पनीले निष्काशन गरेको १२ करोड रुपैयाँ बराबरको १२ लाख कित्ता शेयर मध्ये ४ लाख कित्ता शेयर पहिलो चरणमा आयोजना प्रभावित क्षेत्रका बासिन्दाहरुका लागि वितरण गरिएको हो । कम्पनीले बाँकी रहेको ८ करोड रुपैयाँ बराबरको ८ लाख कित्ता शेयर दोस्रो चरणमा सर्वसाधारणका लागि वितरण गर्ने छ ।
सो शेयर खरिदका लागि लगानीकर्ताले न्यूनतम १० कित्ता र अधिकतममा ६० हजार कित्ताका लागि आवेदन दिन सक्नेछन् ।
कम्पनीले निष्काशन गरेको शेयर खरिदका लागि लगानीकर्ताले माछापुच्छ्रे बैंकको हिले, धनकुटा शाखा कार्यालय, नेपाल बङ्गलादेश बैंकको सक्रान्ती, फेदाप, छथर, सिधुवा, साँगुरीगढी र राजारानी शाखा कार्यालय, ग्लोबल आइएमई बैंकको जिरि खिम्ती शाखा, म्याङलुङ, तेह्रथुम र जलविद्युत आयोजना स्थल मेन्छ्यायेमा गाउँपालिका, तेह्रथुमबाट आवेदन दिन सकिनेछ ।
वि.सं.२०७८ साउन १९ मंगलवार १२:३७ मा प्रकाशित
