हामी सबैकाे संसारन्यूज

शरिरलाई चुस्त–दुरुस्त राख्न सकियो भने मन शान्त हुनुका साथै शरिरमा सकारात्मक उर्जाको प्रवाह हुन्छ । तर सरीरलाई चुस्त–दुरुस्त राख्नका लागि खानपान तथा योगमा ध्यान दिनु अति आवस्यक हुन्छ ।

स्वास्थ्य विज्ञका अनुसार खानपानमा विशेष ध्यान दिनुका साथै बिहानको समयमा यी कामगर्न सकियो भने शरीरमा सधै ताजापन ल्याउन सकिन्छ ।

के हुन् त ती पाँच काम ?
पानी पिउनुहोस्

बिहान उठ्नासाथ प्रसस्त पानी पिउनुहोस् । खाली पेटमा पानी पिउनाले मोटाबलिज्म बुस्ट गर्नुका साथै पाचन प्रक्रियामा सहयोग पुर्याउदछ । त्यसैले बिहान उठ्नासाथ एक गीलास पानी पिउन नभुल्नुहोस् ।

मेडिटेशन

शरिरमा स्फूर्ति बढाउनका लागि मेडिटेशन पनि अति आवस्यक हुन्छ । मेडिटेशनले तनाव कम गर्नुका साथै शरिरलाई स्वस्थ्य राख्न सहयोग गर्दछ । मेडिटेशन शरीरलाई एक्टिभ र दिमागलाई शान्त राख्न सहयोगी हुन्छ ।

नास्तामा ड्राइफ्रुट्स सामेल गर्नुहोस्

खाली पेटमा ६ देखि १० वटा भिजाएको बदाम र ओखर खानुहोस् । यसले शरिरमा शक्ति बढ्ने र मोटाब्लिजम बढाउनमा सहयोग गर्दछ । ड्राइफुट्रसले शरिरलाई पोषकतत्व प्रदान गर्दछ ।

कार्डियो एक्ससाइज गर्न जरुरी

त्यस्तै कार्डियो एक्सरसाइज पनि शरिर र दिमाग दुवैका लागि अति महत्वपूर्ण हुन्छ । कार्डियो एक्सरसाइजमा दिनहुँ छिटो छिटो दौडिनुलाई राम्रो मानिन्छ । यो एक्सरसाइज तपाई आफै गर्न सक्नुहुन्छ । यसको लागि जिम जानु जरुरी हुँदैन । बिहानको शितल हावा र शान्त वातावरणमा कम्तिमा ३० मिनेट छिटो–छिटो हिँडेर एक्सरसाइज गर्न सकिन्छ ।

बिहानको नाश्ता जरुरी

शरिरलाई दिनभरी फिट राख्नका लागि बिहानको समयमा नाश्ता गर्न अति जरुरी हुन्छ । कतिपय मानिसले शरिरमा मोटोपन बढ्छ भनेर नास्ता खाँदैनन् । तर, स्वास्थ्य विज्ञका अनुसार मोटोपन कन्ट्रोल गर्नका लागि बिहानको नास्ता जरुरी हुन्छ । बिहानको नाश्ताले मानिहरुलाई दिनभरी शक्ति दिने तथा भरपुर मात्रामा कार्बोहाइड्रेड र प्रोटीन प्राप्त गर्न सकिन्छ । यो शरिरको लागि अत्यन्त महत्वपूर्ण हुन्छ ।