Sansar News
साउन २१, काठमाडौं । नेकपा (एमाले)को माधवकुमार नेपाल पक्षीय केन्द्रीय समिति बैठकमा नेता भीम रावलसहित मुख्य तीन नेता नै अनुपस्थित भएका छन् । बुद्धनगरस्थित क्वालिटी ब्यांक्वेटमा जारी बैठकमा नेताहरु भीम रावल, सुरेन्द्र पाण्डे र योगेश भट्टराई अनुपस्थित भएका हुन् ।
उनीहरुको अनुपस्थितिबारे माधव नेपालको सचिवालयले कोरोना संक्रमणको कारण बताएको छ । माधवको सचिवालयले जनाएअनुसार आफन्तमा कोरोना संक्रमण देखिएका कारण पाण्डे र भट्टराई कन्ट्याक्ट ट्रेसिङमा परेका छन् ।
पछिल्लो समय रावलसहित पाण्डे र भट्टराई पनि माधव समूहका बैठकहरुमा कम उपस्थित हुन्छन् । निर्णायक मानिएको केन्द्रीय समिति बैठकमा पनि अनुपस्थित हुनुलाई अर्थपूर्णंं मान्न सकिन्छ ।
वि.सं.२०७८ साउन २१ बिहीवार १५:५४ मा प्रकाशित
