Sansar News
साउन २१, काठमाडौं । लुम्बिनी प्रदेशका मुख्यमन्त्री शंकर पोखरेलविरुद्व विपक्षी गठबन्धनले अविश्वासको प्रस्ताव दर्ता गरेको विषयमा छलफल गर्न प्रदेश प्रमुखले विशेष अधिवेशन आव्हान गरेका छन् । बिहीबार प्रदेश प्रमुख अमिक शेरचनले आगामी साउन २७ गते दिउँसो १ बजे बैठक बस्ने गरि अधिवेशन आव्हान गरेका हुन् ।
प्रदेशसभाले जारी गरेको सूचनाअनुसार संविधानको धारा १८३ को उपधारा (३) अनुसार शेरचनले विशेष अधिवेशन आव्हान गरेका हुन् ।
लुम्बिनी मंगलबार विपक्षी गठबन्धनले मुख्यमन्त्री पोखरेलविरुद्व अविश्वासको प्रस्ताव दर्ता गराएका थिए । उनीहरुले प्रदेश प्रमुखलाई भेटेर विशेष अधिवेशनको पनि माग गरेका थिए ।
प्रदेश प्रमुखले गठबन्धनको मागअनुसार बैठक आव्हान गरेका हुन् ।
वि.सं.२०७८ साउन २१ बिहीवार १६:२८ मा प्रकाशित
