हामी सबैकाे संसारन्यूज

साउन २२, काठमाडौं । नेकपा (एमाले)को माधवकुमार नेपाल पक्षको केन्द्रीय समिति बैठकमा अधिकांश केन्द्रीय सदस्यहरुले पार्टी विभाजन गरेर नयाँ ढंगबाट अगाडि बढ्नुपर्ने धारणा राखेका छन् । केपी शर्मा ओलीसँग सहमति हुन नसक्ने निष्कर्षसहित उनीहरुले यस्तो धारणा राखेका हुन् ।

एमालेका एक स्थायी समिति सदस्यले बताएअनुसार बैठकमा एमाले विवाद समाधानका लागि गठित कार्यदलका सदस्यले मात्रै एकताको सम्भावना बाँकी नै रहेको बताएका थिए । उनीहरुले ओली बाहेकका अन्य नेता एकताको पक्षमा भएको बताएका थिए ।

बैठकमा सहभागि नेता भीम रावल, घनश्याम भुसाल, सुरेन्द्र पाण्डे र गोकर्ण विष्टले माधव पक्षको मागअनुसार थप सहमित हुन सक्ने बताएका थिए । उनीहरुले आफुँहरुसँग वार्तामा रहेका नेताहरु सुवास नेम्वाङ, प्रदिप ज्ञवाली र विष्णु पौेडेल निकै लचक भएको बैठकलाई बिफ्रिङ्ग गरेका थिए ।

शुक्रबार सम्पन्न बैठकले कार्यदलका सदस्यहरुको मागअनुसार एक साताको समयसीमा दिएको छ ।

सम्बन्धित समाचार

वार्ता कमिटीका सदस्यहरुले समय मागेपछि माधव समूहले गरेन विभाजनको निर्णय