Logo
१५ चैत्र २०७९, बुधबार
     Wed Mar 29 2023
E-paper
  English Edition
   Unicode
Logo

पोखरामा जङ्गल महोत्सव हुने



 ९ फागुन,पोखरा । वनजङ्गल तथा जैविक विविधता संरक्षण गर्ने उद्देश्यका साथ पोखरामा तेस्रो जङ्गल महोत्सव हुने भएको छ ।

युवाको समूह परिचय नेपालद्वारा पोखरास्थित शान्ति वनवाटिकाको जङ्गलभित्र फागुन १२ देखि २१ गतेसम्म सो महोत्सव आयोजना गरिने आज यहाँ आयोजित पत्रकार सम्मेलनमा सो जानकारी गराइएको हो ।

महोत्सवमा दर्शकले लोपोन्मुख जाति कुसुन्डालाई भेट्ने अवसरका साथै विभिन्न मनोरञ्जनात्मक प्रस्तुतिमा रमाउन पाउने व्यवस्था गरिएको छ ।

संस्थाका अध्यक्ष सोभियत बस्यालका अनुसार जङ्गली जीवनशैली र जैविक विविधतासम्बन्धी अध्ययन गरिरहेका सोधकर्ताका लागिसमेत महोत्सव लाभदायक हुने छ । महोत्सवमा रोबोटिक भूत घर, नेपाल र भारतका रेस्लिङ, फेसन शो तथा नाटक मञ्चनजस्ता आकर्षक रहने व्यवस्था गरिएको छ ।

पचास वटा कक्ष रहने सो महोत्सवमा रु ८० लाख लागत लाग्ने अनुमान गरिएको छ, अध्यक्ष बस्यालले भन्नुभयो ‘महोत्सवबाट रु एक करोड आम्दानी गर्ने लक्ष्य लिएको छु ।’

आम्दानीहुने रकममध्ये रु दुई लाख ५० हजार शान्ति वाटिका क्षेत्रको सडकको स्तरोन्नति र रु ५० हजार पोखरास्थित निर्माणाधीन नाटक घरमा सहयोग गर्ने तथा कुसुन्डा जातिको संरक्षण र प्रवद्र्धनका लागि पनि आर्थिक सहयोग छुट्याउने आयोजकले जनाएको छ ।

महोत्सवकै अवसरमा शान्ति वनभित्र सुकेका रुखको ठाउँमा वृक्षरोपण गरी हरियाली बढाउने कार्यक्रम रहेको पनि सो अवसरमा जानकारी गराइयो । रासस


यो खबर पढेर तपाईलाई कस्तो महसुस भयो ?

काठमाडौँ । नेपालको पूर्वी हिमाली जिल्ला ताप्लेजुङको स्याओ केन्द्रविन्दु भएर भूकम्प गएको छ ।

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

जनकपुरधाम । आन्तरिक राजस्व कार्यालय जनकपुरधामले बक्यौता रकम दाखिलाका लागि अटेर गर्ने करदाताको नाम