Sansar News
२४ साउन, काठमाडौं । साउन २५ गते (भोली) देखि ६५ वर्ष र सो भन्दा माथि उमेर समुहका झण्डै १४ लाख नागरिकले दोस्रो मात्राको खोप लगाउँदै छन् ।
जापान र भुटान सरकारले दिएको अस्ट्राजेनिका खोप कोभिसिल्ड खोप लगाएर त्यसको दोस्रो मात्रा लगाउन नपाएकाहरुका लागि उक्त खोप लगाउन लागिएको हो ।
कहाँ कहाँ छन् त खोपकेन्द्रहरु ?
काठमाडौं महानगरपालिकाले भोलीदेखि लगाइने उक्त खोप काठमाडौंका ३२ वटै वडा र विभिन्न अस्पतालबाट लगाउन सकिने जानकार दिएको छ ।
महानगरका अनुसार काठमाडौं महानगरपालिकाका ३२ वटै वडामा सोमबार र मंगलवार (२५ र २६ गते) बिहान १० बजेदेखि ५ बजेसम्म ६५ वर्ष वा सो भन्दा माथि उमेर समुहका लागि उक्त खोप लगाइने छ । महानगरले कोभिसिल्ड खोपको पहिलो मात्रा लगाएको खोप कार्ड र आफ्नो उमेर खुल्ने परिचयपत्रसहित खोप लगाउन जान समेत अनुरोध गरेको छ ।
यी हुन् थप खोपकेन्द्र
त्यसैगरी राधास्वामी आइसोलेशन सेन्टर सामाखुसी, शसस्त्र प्रहरी बल अस्पताल बलम्बु, वीर अस्पताल रत्नपार्क, शिक्षण अस्पताल महाराजगन्ज, निजामति कर्मचारी अस्पताल बानेश्वर र प्रसुति तथा स्त्रीरोग विशेषज्ञ अस्पताल थापाथलीमा पुगेर पनि लगाउन सकिने महानगरद्धारा जारी सूचनामा जनाइएको छ ।
भोलीदेखि १४ लाखलाई दोस्रो मात्राको खोप लगाइने, विदेश जाने नागरिकले पनि लगाउन पाउने
वि.सं.२०७८ साउन २४ आइतवार १५:२७ मा प्रकाशित
