Sansar News
साउन २४, काठमाडौं । सरकारले आगामी चैतसम्म सबै नेपालीलाई कोरोना खोप उपलब्ध गराउने भएको छ । आइतबार गठबन्धन सरकारको न्यूनत साझा कार्यक्रम सार्वजनिक गर्दै यस्तो घोषणा गरिएको हो ।
गठबन्धन सरकारले कोरोना खोपलाई पहिलो प्राथमिकताको रुपमा राखेको छ ।
त्यस्तै न्यूनतम कार्यक्रममा यसअघिको सरकारले स्वास्थ्य सामाग्री खरिदमा गरेको अनियमितताको छानबिन गर्ने पनि उल्लेख छ । उक्त अनियमिततामा दोषी देखिएका व्यक्ति तथा संस्थालाई कारबाही गर्ने कार्यक्रम उल्लेख छ ।
सरकारका साझा कार्यक्रम कार्यदलका संयोजकसमेत रहेका कांग्रेस महामन्त्री पूर्णबहादुर खड्काले प्रस्तुत गरेका थिए ।
वि.सं.२०७८ साउन २४ आइतवार १७:२६ मा प्रकाशित
