हामी सबैकाे संसारन्यूज

२४ साउन, काठमाडौं । पछिल्लो २४ घण्टामा कोरोना संक्रमणबाट ५५ जनाले ज्यान गुमाएका छन् ।

स्वास्थ्य तथा जनसंख्या मन्त्रालयका अनुसार आइतवार ५५ जनाको ज्यान गएको हो । केही दिनयता निरन्तर घट्दै गएको मृत्युको संख्या आज भने बढेको छ ।

आज थपिएका ५५ जनासँगै नेपालमा कोरोना संक्रमणबाट मृत्यु हुनेको संख्या १० हजार ९३ पुगेको छ ।

त्यस्तै पछिल्लो २४ घण्टामा २५४८ जना नयाँ संक्रमित थपिएका छन् । मन्त्रालयका अनुसार ९,०३३ पिसीआर र ३,३४५ एन्टिजेन गरी दुवै विधिबाट गरिएको १२ हजार ३७८ नमुना परीक्षणमा २ हजार ५४८ जनामा कोरोनाभाइरस संक्रमण पुष्टि भएको हो । शनिवारको तुलनामा आइतवार झण्डै ७ सयले घटेको हो ।

स्वास्थ्य मन्त्रालयका अनुसार पछिल्लो २४ घण्टामा २ हजार २९ जना कोरोनाबाट मुक्त भएका छन् । योसँगै नेपालमा कोरोना संक्रमणबाट निको हुनेको संख्या ६ लाख ६९ हजार २९९ पुगेको छ ।

त्यस्तै देशभर सक्रिय संक्रमितको संख्या ३५ हजार ४८५ रहेको स्वास्थ्य मन्त्रालयले जनाएको छ । ती मध्ये ३१ हजार ९६३ जना होम आइसोलेशनमा र ३ हजार ५२२ जना संस्थागत आइसोलेशनमा उपचारत रहेका छन् ।

मन्त्रालयका अनुसार हाल देशैभरीका आइसीयुमा ८०२ जना र भेन्टिलेटरमा १८१ जनाको उपचार भइरहेको छ । शनिवारको तुलनामा आइतवार आइसीयु र भेन्टिलेटरमा उपचार गराउनेको संख्या पनि बढेको छ ।

त्यसैगरी आइतवार देशैभरी १ लाख ८४ हजार ३६ जनाले कोरोना भाइरस विरुद्धको खोप लगाएको पनि मन्त्रालयले जानकारी दिएको छ ।

नेपालमा हालसम्म दुवै विधिबाट गरिएको कूल ४० लाख ३१ हजार ६२६ नमुना परीक्षणमा हालसम्म संक्रमित हुनेको संख्या ७ लाख ८३ हजार ३५५ पुगेको छ ।

आज देशैभरी थपिए कोरोनाका ३ हजार २१८ संक्रमित, १९ जनाको मृत्यु