Sansar News
२५ साउन, काठमाडौं । बागमती प्रदेशमा कोरोना संक्रमणबाट थप ११ जनाको मृत्यु भएको छ ।
प्रदेशको सामाजिक विकास मन्त्रालयका अनुसार आइतवार काठमाडौंका ६२ र ६५ वर्षीय २ पुरुष, ललितपुरका ३४ र ५६ वर्षीय २ पुरुष, चितवनका ७३ वर्षीया महिला र ४४ वर्षीय पुरुष, काभ्रेपलान्चोकका ८३ र ५८ वर्षीय २ पुरुष, सिन्धुपाल्चोकका ५५ र ६३ वर्षीया २ महिला तथा रामेछापकी ५३ वर्षीया महिलासहित ११ जनाको मृत्यु भएको हो ।
आइतवार थपिएका ११ जनासहित प्रदेशमा कोरोना संक्रमणबाट हालसम्म ज्यान गुमाउनेको संख्या ४ हजार १२० पुगेको छ ।
त्यसैगरी आइतवार प्रदेशमा १३७५ जना संक्रमित थपिएका छन् भने सोहि अवधिमा १३६६ जना संक्रमण मुक्त भएका छन् । प्रदेशमा संक्रमितको संख्या बढ्दै गएपनि निको हुनेको संख्या पनि बढिरहेको छ ।
आइतवार थपिएका १३७५ जनासँगै प्रदेशमा संक्रमितको संख्या ३ लाख ८७ हजार ७८० पुगेको छ भने ३ लाख ६८ हजार ८०२ जना निको भइसकेका छन् ।
प्रदेशमा हाल आइसीयुमा ५२० जना रभेन्टिलेटरमा १०४ जनाको उपचार भइरहेको पनि मन्त्रालयद्धारा जारी विवरणमा उल्लेख छ ।
वि.सं.२०७८ साउन २५ सोमवार ०९:३७ मा प्रकाशित
