Sansar News
२५ साउन, दिल्ली । भारतमा कोरोना संक्रमित हुने र मृत्यु हुनेको संख्या निरन्तर घट्दै गएको छ ।
भारतमा आइतवार ३८ हजार ७०५ जनामा संक्रमण पुष्टि भएको छ । समाचार ऐजेन्सीका अनुसार आइतवार थपिएको यो संख्या १४ दिनयताकै कमी हो ।
त्यस्तै भारतमा आइतवार ४४७ जना संक्रमितको मृत्यु भएको छ भने सोहि अवधिमा ४३ हजार ९३५ जना निको भएका छन् ।
त्यसैगरी पछिल्लो समय तिव्ररुपमा कोरोना संक्रमित बढिरहेको केरलामा पनि संक्रमित हुनेको संख्या घटिरहेको छ । केरलामा आइतवार २० हजार १०८ संक्रमित थपिएका छन् भने ९३ जनाको मृत्यु भएको छ ।
भारतमा हालसम्म कोरोना संक्रमित हुनेको संख्या ३ करोड १९ लाख पुगेको छ । सोहि अवधिमा ३ करोड ११ लाख निको भइसकेका छन् भने ४ लाख २८ हजारको संक्रमणकै कारण ज्यान गएको छ । भारतमा हाल ३ लाख ९६ हजार सक्रि,य संक्रमितको उपचार भइरहेको छ ।
वि.सं.२०७८ साउन २५ सोमवार १३:३० मा प्रकाशित
