हामी सबैकाे संसारन्यूज

२६ साउन, काठमाडौँ । अष्ट्रेलिया र बंग्लादेश बिचको पाँचौ तथा अन्तिम टि-२० मा अष्ट्रेलिया ६० रनले पराजित भएको छ ।

टस जितेर पहिले ब्याटिङ्ग गरेको बंग्लादेशले २० ओभरमा ८ विकेट गुमाएर १२२ रन बनाएको थियो । बंग्लादेशका लागि मोहम्मद नाइमले सर्वाधिक २३ रन बनाएका थिए भने अष्ट्रेलियाका लागि बलिङ्गमा नाथन एलिस र डैनियल क्रिश्चियनले सर्वाधिक २/२ विकेट लिएका थिए ।

१२२ रनको सामान्य लक्ष्य पछाएको अष्ट्रेलियाले पुरै २० ओभर पनि ब्याटिङ्ग गर्न सकेन । अष्ट्रेलियाको टिम १३.४ ओभरमा ६२ रन बनाएर अलआउट हुन पुगेको थियो । अष्ट्रेलियाका लागि म्याथ्यू वेड र बेन म्याकडरमोटले मात्र दोहोरो अकंमा रन जोडेका थिए । म्याथ्यू वेड २२ रन बनाएर आउट भएका थिए भने बेन म्याकडरमोट १७ रन बनाएर आउट भएका थिए । बंग्लादेशका लागि बलिङ्गमा भने शाकिब अल हसनले सर्वाधिक ४ विकेट लिएका थिए ।

जितसँगै बंग्लादेशले अष्ट्रेलिया विरुद्धको ५ खेलको टि-२० श्रृखलमा ४-१ ले आफ्नो नाममा गरेको छ ।