हामी सबैकाे संसारन्यूज

साउन २६, काठमाडौं । नेकपा (एमाले)का अध्यक्ष केपी शर्मा ओलीले सत्ता गठबन्धनका नेता एवं माओवादी केन्द्रका अध्यक्ष पुष्पकमल दाहाल ‘प्रचण्ड’ संसदबाटै जवाफ फर्काएका छन् । उनले धम्की दिने काम बन्द गर्न चेतावनी दिए ।

प्रचण्डले ‘आफुँ आगो हुँ, खेलाउने काम नहोस्’ भनि भनेको अभिव्यक्तिमाथि उनले ‘आफुँलाई आगो निभाउन राम्रोसँग आउने’ जवाफ दिए । उनले विगतमा एक/दुई बाल्टी पानीमै निभेको पनि हेक्का राख्न सुझाए ।

‘सत्ता परिवर्तन हुने वित्तिकै सत्ता पक्षका नेताहरुले भन्नुभयो— होशियार म आगो हुँ, मसँग नखेल नत्र ! उहाँले विगतमा देशमा लगाएको डढेलो म सम्झन्छु’, ओलीले संसदमा भनेका छन्, ‘उहाँ आगो हो थाहा छ, डढेलो लगाउनुहुन्छ तर, एक दुई बाल्टी पानीले निभाएको पनि सम्झना रहोस्, यस्तो डढेलो निभाउन हामीलाई पनि आउँछ, पानी खन्याउनु पर्छ ।’

उनले सरकार बन्दैमा प्रतिपक्षिलाई धम्क्याउने कोशिस नगर्न चेतावनी दिए ।