हामी सबैकाे संसारन्यूज

२६ साउन, काठमाडौँ । सेयर बजार (नेप्से) मा साताको तेस्रो दिन मंगलबार उछाल आएको छ । आज बजार परिसूचक ५१ दशमलव ८१ अकंले बढेर समग्र परिसूचक ३१६१ दशमलव ४४ बिन्दुमा पुगेको हो । त्यस्तै ठूला कम्पनीहरुकोे कारोबार मापक सेन्सेटिभ पनि १२ अकंले बढेर ५८७ दशमलब ९५ अकंमा पुगेको छ ।

आज कुल सूचिकृतमध्ये २२५ कम्पनीका १७ अर्ब ८४ करोड ६१ लाख ४७ हजार २७९ रुपैंया बराबरको ३ करोड ३५ लाख ३५ हजार २१३ कित्ता सेयर किनबेच भएको छ । तिनको कारोबारमा १ लाख ६३ हजार ९ सय ६९ पटक लेनदेन भएको छ ।

कारोबार रकमको आधारमा अपर तामाकोशी, अरुण भ्याली हाइड्रोपावर्, अपी पावर, ज्योति विकास बैंक, करुण काबेली हाइड्रोपावर लगायतका कम्पनीहरु शिर्ष स्थानमा रहे भने कारोबार संख्याको आधारमा सिद्वार्थ इन्भेष्टमेन्ट ग्रोथ स्किम-२, अपर तामाकोशी, अरुण भ्याली हाइड्रोपावर लगायतका कम्पनीहरु शिर्ष स्थानमा रहे ।

आज ११ कम्पनीको सेयर मुल्यमा सकारात्मक सर्किट लागेको छ । आज वेस्ट फाइनान्स, श्री इन्भेष्टमेन्ट फाइनान्स, सेन्ट्रल फाइनान्स, गुहेश्वरी फाइनान्स, आई.सि.एफ.सि फाइनान्स, प्रोग्रेसिभ फाइनान्स, माहालक्ष्मी विकास बैंक, ज्योति विकास बैंक, कामना सेवा विकास बैंक, सिंधु विकास बैंक, जिवन विकास लघुवित्तको सेयर मूल्यमा सकारात्मक सर्किट लागेको हो । उनीहरुले सबैले १० प्रतिशतले कमाएका छन ।

आज सबै भन्दा धेरै गुमाउनेमा सान्जेन हाईड्रोपावर, सिनर्जी पावर डेभल्पमेन्ट, खानीखोला हाईड्रोपावर, पञ्चकन्या माई हाईड्रोपावर, घलेम्दी हाईड्रो लिमिटेड लगायतका कम्पनीका लगानीकर्ताहरुले परेका छन ।

आज भएको कारोबारमा १३७ कम्पनी लागनीकर्ताले कमाउदाँ ४६ कम्पनीमा लगानीकर्ताले गुमाएका छन भने २ कम्पनीको सूचकमा कुनै पनि फेरबदल भएको छैन ।