Sansar News
साउन ३१, काठमाडौं । नेकपा (एमाले)का नेताहरु सुरेन्द्र पाण्डे र भीम आचार्य दिल्ली पुगेका छन् । उनीहरु शनिबार अचानक दिल्ली पुगेका हुन् ।
एमाले स्रोतले बताएअनुसार दिल्लीमा उपचाररत वरिष्ठ नेता झलनाथ खनालसँग परामर्श लिन उनीहरु दिल्ली गएका हुन् । बताइएअनुसार एमाले विवाद वारपारको अवस्थामा पुगेको बेला खनालको धारणा बुझ्न आचार्य र पाण्डे दिल्ली गएका हुन् ।
दुवै नेता एमाले एकताको पक्षमा देखिएका छन् । दुवै नेताले नेता माधवकुमार नेपालले अस्वीकार गरेको १० बुँदे प्रस्तावलाई टेकेरै एकता गर्नुपर्ने बताईरहेका छन् ।
माधव कुमार नेपाल पक्षमा मानिएका तर, पछिल्लो समय माधव पक्षभन्दा अलग देखिएका दुवै नेताहरुले दिल्लीमा खनाललगायत अन्यलाई पनि भेट्छन् कि भेट्दैनन् प्रश्न कायमै छ । कतिपयले ओलीको सल्लाहमा पनि उनीहरु दिल्ली पुगेको बताएका छन् । दिल्लीमा भारतीय नेताहरुसँग पनि उनीहरुको भेटघाट हुने सम्भावना छ ।
वि.सं.२०७८ साउन ३१ आइतवार ११:५८ मा प्रकाशित
