हामी सबैकाे संसारन्यूज

३२ साउन, काठमाडौँ । नेपाल अभिभावक महासंघका पूर्वअध्यक्ष सुप्रभात भण्डारीले स्थगन गरिएको कक्षा १२ को परीक्षाबारे तत्काल निर्णय गर्न सरकारसँग आग्रह गरेका छन् ।

सामाजिक सञ्जालमार्फत सरकारको ध्यानाकर्षण गराउँदै भण्डारीले कक्षा १२ को स्थगन भएको परीक्षा कसरी गर्ने भन्ने बारे विद्यार्थी र अभिभावकहरुमा अन्योल र अनिश्चिता भएको भन्दै सरकारलाई तत्काल निर्णय गर्न आग्रह गरेका हुन् ।

सञ्जालमा भनेका छन् ‘कक्षा १२ को स्थगन भएको परीक्षाका बारेमा तत्काल खोप उपलब्ध गराएर भौतिक रुपमै गर्ने वा बैकल्पिक बाटोबाट गर्ने भन्ने निर्णय अविलम्ब गरेर विद्यार्थी र अभिभावकहरुमा परेको अन्योल र अनिश्चितता हटाउनु सरकारको कर्तव्य नै हुन्छ, त्यसैले यसतर्फ सरकारको ध्यान पुगोस ।’

सरकारको ध्यान पुगोस ।
कक्षा १२ को स्थगन भएको परीक्षाका बारेमा तत्काल खोप उपलब्ध गराएर भौतिक रुपमै गर्ने वा बैकल्पिक बाटोबाट गर्ने भन्ने निर्णय अविलम्ब गरेर विद्यार्थी र अभिभावकहरुमा परेको अन्योल र अनिश्चितता हटाउनु सरकारको कर्तव्यनै हुन्छ, त्यसैले यसतर्फ सरकारको ध्यान पुगोस ।

— suprabhat bhandari (@bhandarisup3) August 16, 2021