हामी सबैकाे संसारन्यूज

भदौ ८, काठमाडौं । माधवकुमार नेपालको साथ छाडेका नेताहरु अन्ततः एमालेमै रहने भएका छन् । माधव पक्ष छाडेसँग पार्टी अध्यक्ष केपी शर्मा ओलीले बोलाएको बैठकमा उनीहरु सहभागि भएका छन् ।

मंगलबार च्यासलस्थित तुल्सीलाल स्मृति प्रतिष्ठानमा बोलाइएको स्थायी समिति बैठकमा माधव छाडेका १० नेताहरु युवराज ज्ञवाली, भीम रावल, अष्टलक्ष्मी शाक्य, घनश्याम भुसाल, योगेश भट्टराई, गोकर्ण विष्ट, भीम आचार्य, सुरेन्द्र पाण्डे र रघुजी पन्तसहभागि भएका छन् ।

यसअघि उनीहरु ओलीले बोलाउने कुनै पनि बैठकमा सहभागि भएका थिएनन् । यसअघि सोमबार ओली निवास बोलकोटमा ओली र माधव छाडेका १० नेताहरुबीच १० बुँदे कार्यान्वयनका विषयमा मौखिक सहमति भएको थियो । उक्त सहमति बमोजिम नेताहरु आजको बैठकमा उपस्थित भएका हुन् ।

आजको स्थायी समिति बैठकले गत असार २७ मा भएको १० बुँदे सहमति कार्यान्वयनको मोडालिटी तयार पार्ने भनिएको छ । यसअघि ओली र तेस्रो धारका नेताहरुबीच भएको सहमतिअनुसार १० कार्यान्वयनको मोडालिटी बनाउन नेताहरु ईश्वर पोखरेल, भीम रावल र विष्णु पौडेल रहेको अनौपचारिक कार्यदल बनाइएको थियो ।