हामी सबैकाे संसारन्यूज

भदौ १०, काठमाडौं । नेकपा (एमाले)को प्रदेश १ को संसदीय दलको नेतामा भीम आचार्य चयन भएका छन् । बिहीबार विराटनगरको होटल एसियाटिकमा बसेको एमाले संसदीय दलको बैठकबाट आचार्य दलको नेतामा चयन भएका हुन् ।

आचार्यलाई हालका मुख्यमन्त्री शेरधन राईको प्रस्तावमा संसदीय दलको नेता बनाइएको हो। आचार्य दलको नेता चयन भएपछि राईले प्रदेश प्रमुख सोमनाथ प्यासीकहाँ मुख्यमन्त्रीबाट राजीनामा पनि बुझाएका छन्।

आचै आचार्यलाई मुख्यमन्त्रीको सपथ गराउने तयारी रहेको शेरधन राईका प्रेस सल्लाहकार ध्रुव सुवेदीले जानकारी दिए ।

एमाले विभाजन पछि प्रदेश १ को संसदीय दलको बैठक पहिलो पटक बसेको हो । माधवकुमार नेपाल पक्ष कमजोर हुने बुझाईसहित माधवको साथ छाडेका आचार्यलाई मुख्मयन्त्री बनाउन लागिएको हो ।

सम्बन्धित समाचार

माधव पक्षमा जान खोज्नेलाई रोक्न आचार्यलाई मुख्यमन्त्री बनाउँदै एमाले, सांसदलाई बाँडियो मन्त्रीको अफर