हामी सबैकाे संसारन्यूज

भदौ १०, काठमाडौं । प्रदेश १ को मुख्ममन्त्री बनेका एमाले नेता भीम आचार्यले पद तथा गोपनियताको सपथ लिएका छन् । बिहीबार उनले प्रदेश प्रमुख सोमनाथ प्यासीसँग सपथ लिएका हुन्।

शेरधन राईले संसदीय दलको नेता र मुख्यमन्त्तीबाट आज नै राजीनामा दिएका थिए। आचार्यलाई आजै एमालेले संसदीय दलको नेतामा चयन गरेको थियो। संसदीय दलको नेता बने लगत्तै मुख्यमन्त्रीमा नियुक्त भएका आचार्यले लगत्तै सपथ पनि लिएका हुन् ।

आचार्य प्रदेश सभाको बहुमत प्राप्त संसदीय दलको नेताको हैसियतमा धारा १६८९१० बमोजिम मुख्यमन्त्रीको रूपमा शपथ लिएका हुन्।

यसअघि २०७४ माघ २६ मा भएको निर्वाचनमा राईले आचार्यलाई संसदीय दलको नेतामा पराजित गर्दै मुख्यमन्त्री भएका थिए। त्यतिबेला राईले २६ मत ल्याएका थिए भने आचार्यले २४ मत पाएका थिए।