Sansar News
भदौ ११, काठमाडौं । केपी शर्मा ओली नेतृत्वको सरकारको समयमा भएको संवैधानिक परिषद्सम्बन्धी अध्यादेश र त्यसको आधारमा भएका नियुक्तिविरुद्वको रिटमा विषयवस्तुमै प्रवेश नगरी इजलास उठेको छ । प्रधानन्यायाधीश चोलेन्द्र शम्शेर राणालाई समेत विपक्षी बनाइएको मुद्दा भएकाले उनी बस्न नमिल्ने तर्क बहसका क्रममा उठेको थियो ।
वरिष्ठ अधिवक्ता ओमप्रकाश अर्यालले गरेपछि राणाको विषयमा प्रश्न उठएका थिए । उनले नियुक्तीमा राणा नाममा समेत भागवण्डा भएको भन्दै अर्यालले इजलासमा राणाको उपस्थिति उचित नहुने बताएका थिए ।
शुक्रबारको इजलासमा प्रधानन्यायाधीश आफै विपक्षी रहेको रिटको सुनुवाइ गर्न गठित संवैधानिक इजलासमा उनी रहने कि नरहने भन्ने विषयमा छलफल गरेर निर्णय लिने भन्दै इजलास उठेको हो। संविधानले संवैधानिक इजलासमा प्रधानन्यायाधीशको उपस्थितिलाई अनिवार्य भनेको छ।
राणा इजलासमा बस्न हुने नहुनेबारे बहस चलेपछि न्यायाधीशहरु उठेर हिँडेका थिए। संवैधानिक इजलासमा प्रधानन्यायाधीश बस्ने नबस्ने कुरा छलफल गर्ने भन्दै न्यायाधीशहरु उठेसँगै आजको बहस विषय प्रवेश नै नगरि सकिएको हो।
न्यायाधीश इश्वरप्रसाद खतिवडाले भने, ‘संविधानले प्रधानन्यायाधीशको उपस्थितिलाई संवैधानिक इजलासमा अनिवार्य भनेको छ तर उहाँ आफै विपक्षी भएको मुद्दा आयो। तपाईँहरुका कुरा सुन्यौँ। तर आज विषयमा प्रवेश गर्दैनौँ। कानुनका मान्य सिद्धान्त र अभ्यासलाई नभत्काउने गरी बिचको बाटो निकाल्नुपर्ने छ। हामी सल्लाह गछौँ।’
सम्बन्धित समाचार
वि.सं.२०७८ भदौ ११ शुक्रवार १४:४५ मा प्रकाशित
