Sansar News
१२ भदौ, काठमाडौँ । कर्मचारी संचय कोषको निमित्त प्रशासकमा जितेन्द्र धिताल नियुक्त भएका छन् ।
मन्त्री परिषद्को बैठकले कोषका कामु सहप्रशासक धिताललाई निमित्त प्रशासकमा नियुक्त गर्ने निर्णय गरेको हो ।
अघिल्लो हप्ता बसेको मन्त्रीपरिषद्को बैठकले प्रमुख प्रशासक तुलसी गौतमलाई बर्खास्त गरेको थियो। कानुन गौतमलाई प्रशासकबाट हटाएपछि धितालले निमित्तको जिम्मवारी पाएका हुन् ।
शुक्रबारदेखि निमित्त प्रशासकको जिम्मेवारी पाएको धितालले बताए ।
सरकार परिवर्तन भएसँगै अर्थमन्त्री जनार्दन शर्माले प्रमुख प्रशासक गौतमलाई कानून विपरित पदमा बसेको भन्दै राजीनामा गर्न भनेका थिए । तर, उनले राजीनामा दिएका थिएनन् ।
वि.सं.२०७८ भदौ ११ शुक्रवार २१:३३ मा प्रकाशित
