हामी सबैकाे संसारन्यूज

१३ भदौ, काठमाडौं । मौसम पूर्वानुमान महाशाखाले आज देशका विभिन्न भू–भागमा थानमा मेघ गर्जन÷चट्याङ्ग सहित भारी÷धेरै भारी सम्भावना रहेको जनाएको छ ।

महाशाखाका अनुसार आज दिउँसो प्रदेश १, गण्डकी, लुम्बिनी , कर्णाली र सुदुरपश्चिम प्रदेशका थोरै स्थानमा मेघ गर्जन÷चट्याङ्ग सहित भारी\धेरै भारी सम्भावना रहेको छ ।

त्यस्तै राति पनि प्रदेश १, बागमती, कर्णाली र सुदुरपश्चिम प्रदेशका थोरै स्थानहरुमा मेघ गर्जन÷चट्याङ्ग सहित भारी वर्षाको सम्भावना रहेको छ ।

त्यसैगरी पछिल्लो ६ घण्टामा कपिलबस्तु जिल्लाको बाणगंगा स्थित बर्षामापन केन्द्रमा भारी बर्षामापन भएको र थप बर्षा हुने पूर्वानुमान रहेकोले बाणगंगा, गुडुङ लगायतका स-साना नदीहरुमा आकस्मिक बाढी आउन सक्ने, तटीय क्षेत्र तथा डुबान भइरहने क्षेत्रहरुमा उच्च सतर्कता अपनाउन बाढी पूर्वावुमान महाशाखाले अनुरोध गरेको छ।

त्यस्तै आज नारायणी र यसका सहायक नदीहरु, कमला, बागमती, पूर्वी राप्ती, तिनाउ, पश्चिम राप्ती, बबई लगायतमा बहाब बढ्ने तथा सतर्कता तह भन्दा तलै रहने पूर्वानुमान छ ।

हाल नेपालमा मनसुनी वायुको प्रभाव रहेको छ । मनसुनको न्यून चापिय रेखा नेपालको तराई भू–भाग नजिक रहेको छ ।