हामी सबैकाे संसारन्यूज

भदौ १५, काठमाडौं । बागमती प्रदेशसभामा एमालेका ५६ सांसदमध्ये १२ जनाले माधवकुमार नेपाल नेतृत्वको नेकपा (एकीकृत समाजवादी) रोजेका छन् । मंगलबार हेटौंडास्थित प्रदेश निर्वाचन आयोगको कार्यालयमा १२ सांसदले आफुँहरु एकीकृत समाजवादीमा रहने गरी सनाखत गराएका हुन् ।

प्रदेश निर्वाचन कार्यालय, हेटौंडामा उपस्थित भई सनाखत गर्नेमा सामाजिक विकास मन्त्री खनालसहित प्रदेशसभा सदस्य राजेन्द्र पाण्डे, मुनु सिग्देल, रमा आले मगर, लक्ष्मण लम्साल, बसुन्धरा हुमागाईं, माधव पौडेल, वसन्त मानन्धर, पार्वती सिलवाल, कुसुम कार्की, इन्द्रमाया गुरुङ र राजेन्द्रमान श्रेष्ठ रहेका छन् ।

१२ जना सांसदले एकीकृत समाजवादी रोजेसँगै अष्टलक्ष्मी शाक्य नेतृत्वको प्रदेश सरकार अल्पमतमा परेको छ । भदौ २ मा मुख्यमन्त्री बनेकी शाक्यले अब विश्वासको मत लिनुपर्ने भएको छ ।

१०९ सदस्यीय बागमती प्रदेशसभामा एमाले एकलैसँग सभामुखसहित ५६ सांसद थिए । तर, १२ सांसदले एकीकृत समाजवादी छाडेसँगै एमालेमा अब ४४ सांसद मात्रै भएका छन् ।