हामी सबैकाे संसारन्यूज

२१ भदौ, पोखरा । गण्डकी प्रदेशमा सोमवार ३ जना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार सोमवार प्रदेशको पर्वत, कास्की र नवलपरासीपूर्वका १/१ जना गरी ३ जनाको मृत्यु भएको हो ।
सोमवार थपिएका ३ जनासँगै प्रदेशमा मृत्यु हुनेको संख्या १३१५ पुगेको छ ।

प्रदेशमा सोमवार म्याग्दीमा ९, पर्वतमा २, गोरखामा १, लमजुङमा ५, तनहुँमा १७, कास्कीमा १६३, वागलुङमा २, स्याङजामा ३३ र नवलपरासीपूर्वमा २० गरी २५२ जना नयाँ संक्रमित थपिएका छन् । आज थपिएकामा १४० महिला र ११२ जना पुरुष रहेका छन् ।

निर्देशनालयको विवरण अनुसार प्रदेशमा केही दिनयता कोरोना संक्रमितको संख्या घट्दै गएकोमा आज फेरि बृद्दि भएको छ ।

सोमवार थपिएका २५२ जनासँगै प्रदेशमा हालसम्म ८२ हजार ६८१ जनामा कोरोना संक्रमण पुष्टि भएको छ भने ती मध्ये ७९ हजार ५७ जना निको भइसकेका छन् । सोमवार प्रदेशमा ३५० जना संक्रमणबाट मुक्त भएका छन् ।

निर्देशनालयका अनुसार प्रदेशमा हाल २३०९ जना सक्रिय संक्रमित रहेका छन् । ती मध्ये २०११ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ११२३ वटा नमुना परीक्षण गरिएको थियो ।