हामी सबैकाे संसारन्यूज

२२ भदौ, काठमाडौँ । नेपाल पत्रकार महासंघले गृहमन्त्रालयसँग विज्ञप्ति सच्याउन माग गरेको छ ।

महासंघले गृह मन्त्रालयबाट २०७८ भाद्र १८ र २० गते जारी विज्ञप्ति संविधानप्रदक्त अधिकारलाई कुण्ठित बनाउने र नागरिकको स्वतन्त्रतापूर्वक भेला वा प्रदर्शन गर्न पाउने अधिकारलाई नियन्त्रण गर्ने नियत रहेको भन्दै सच्याउन माग गरेको हो ।

महासंघका महासचिव रोशन पुरीद्वारा जारी प्रेस विज्ञप्तिमा उक्त विज्ञप्तिहरु नेपालको संविधानले प्रदान गरेको नागरिकको अभिव्यक्ति स्वतन्त्रता प्रत्याभूत गरेको मूल मर्म र भावनाविपरित आएको ठहर गरिएको छ ।

मित्र राष्ट्रसँगको सम्बन्धको बहानामा सरकारले संविधानले दिएको शान्तिपूर्ण आन्दोलन गर्न पाउने अधिकार र अभिव्यक्ति स्वतन्त्रता खोस्न खोजेको कुरामा महासंघ प्रष्ट रहेको उल्लेख गर्दै मित्र राष्ट्रसँगको सम्बन्धको विषयमा के लेख्ने के नलेख्ने भन्ने करामा नेपाली प्रेस गम्भिर रहेको स्पष्ट पारिएको छ ।